Tveir leikmenn Inter Miami eru þeir launahæstu í MLS deildinni í Bandaríkjunum en annað nafnið kemur fáum á óvart.
Lionel Messi er launahæsti leikmaður deildarinnar en hann fær 12 milljónir dollara fyrir hvert ár hjá Miami.
Messi er einn besti leikmaður sögunnar en hann gerði garðinn frægan með Barcelona á Spáni og hélt síðan til Paris Saint-Germain.
Næstur í röðinni er fyrrum liðsfélagi Messi hjá Barcelona, Sergio Busquets, sem fær 8,5 milljónir dollara á ári – hann leikur einnig með Miami.
Þriðji maðurinn í röðinni er Lorenzo Insigne hjá Toronto FC en hann fær 7,5 milljónir dollara fyrir sín störf.
Önnur þekkt nöfn eru á listanum en nefna má Christian Benteke sem þénar 4,2 milljónir og þá Emil Forsberg hjá New York Red Bulls og fær hann 5,4 milljónir í laun.