Wrexham er að ganga frá samningi við Matty James fyrrum miðjumann Manchester United.
James ólst upp hjá Manchester United en var lengi vel hjá Leicester.
James varð samningslaus í sumar en hann hefur nú ákveðið að ganga í raðir Wrexham sem er eitt frægasta félag Englands.
Hollywood stjörnurnar Ryan Reynolds og Rob McElhenney eiga félagið og hafa komið því á koppinn. Félagið er í þriðju efstu deild.
Þá segir í fréttum á Englandi að Wrexham sé að reyna að semja við Jón Daða Böðvarsson sem er án félags, hann yfirgaf Bolton í sumar.
Jón Daði hefur skoðað kosti sína undanfarið en hann gæti samið við Wrexham á næstu dögum en félagið er í meiðslavandræðum með hóp sinn.
