Stefán Árni Pálsson, íþróttafréttamaður og stjórnandi Körfuboltakvölds á Stöð 2 Sport, var gestur Helga Fannars Sigurðssonar og Hrafnkels Freys Ágústssonar í nýjasta þætti af Íþróttavikunni á 433.is.
Það vakti mikla athygli á dögunum þegar Aron Pálmarsson samdi við ungverska liðið Veszprem á ný eftir rúmlega árs dvöl hjá uppeldisfélaginu FH. Aron var hjá Veszprem frá 2015-2017.
„Rétt eins og þegar hann samdi við FH er lítill aðdragandi. Kannski er hann að velta fyrir sér næsta stórmóti með landsliðinu því þetta eru góð tíðindi fyrir það. Þó það sé minna álag á honum hér heima og hann yrði ferskari er samt betra fyrir hann að spila í Meistaradeild Evrópu og mæta á næsta stórmót í betra standi, að spila á móti mönnum sem hann mætir á komandi stórmóti,“ sagði Stefán um málið.
„Fyrir það fyrsta held ég að hann telji sig eiga óklárað verkefni þarna. Númer tvö eru það peningar. Svo held ég að þriðja ástæðan sé sú, án þess að vita neitt um það, að honum hafi ekki fundist þetta nógu gott hér heima. Ég ætla bara að segja það, deildin er búin að slakkna mikið síðan í fyrra,“ sagði Hrafnkell.
„Og deildin í fyrra hafði versnað frá því árið þar áður,“ bætti Stefán við að endingu.
Umræðan í heild er í spilaranum.
Íþróttavikan er í boði Bola léttöl og Lengjunnar