Íslendingafélaigð Burton Albion hefur tekið ákvörðun um að reka Mark Robinson úr starfi knattspyrnustjóra eftir aðeins örfáa mánuði í starfi.
Nordic Football Group keypti á dögunum Burton Albion sem leikur í þriðju efstu deild á Englandi. Það vakti athygli að sex Íslendingar koma að félaginu í dag og eiga hlut í því.
Ólafur Páll Snorrason og eiginkona hans, Hrafnhildur Eymundsdóttir eru í þeim hópi. Þar eru einnig Bogi Þór Siguroddsson og Linda Björk Ólafsdóttir sem eru sögð i hópi ríkustu hjóna á landinu.
Úlfar Steindórsson, forstjóri Toyota á Íslandi og eiginkona hans Jóna Ósk Pétursdóttir eru svo einnig í hópnum sem kemur að Nordic Football Group.
„Sem eigendur höfum við reynt að vera heiðarleg og með allt upp á borði,“ segir í yfirlýsingu félagsins.
Burton situr á botni League One með fjögur stig og eru sjö stig upp í öruggt sæti. Félagið skipti út nánast öllum leikmönnum sínum í sumar.