Cole Palmer er langt frá því að vera í heimsklassa en þetta segir fyrrum leikmaður Chelsea og Arsenal, Emmanuel Petit.

Palmer er leikmaður Chelsea og líklega þeirra mikilvægasti maður og hefur byrjað tímabilið glimrandi vel.

Petit tekur þó alls ekki undir með þeirri umræðu að Palmer sé kominn í heimsklassa og sé einn besti sóknarmaður heims.

,,Mun allt þetta tal um Cole Palmer hafa áhrif á hans frammistöðu? Nei það held ég ekki,“ sagði Petit.

,,Hann átti frábært tímabil en eftir hæga byrjun þá svaraði hann vel fyrir sig í september. Fjölmiðlar eru ítrekað að tala um unga og efnilega leikmenn.“

,,Palmer er mjög góður leikmaður en hann er ekki lykilmaður í landsliðinu og er ekki kominn á það stig gæðalega séð sem hann vill vera á.“

,,Ef við erum hreinskilin þá er hann langt frá því að vera í heimsklassa í dag.“