Lionel Messi er orðinn markahæstur hjá þremur liðum en hann er í dag á mála hjá Inter Miami í Bandaríkjunum.
Messi hefur skorað 33 mörk í 36 leikjum fyrir Miami eftir að hafa gert þrennu um helgina.
Það þýðir að Messi er í dag markahæstur í sögu liðsins sem var stofnað árið 2018.
Messi er einnig markahæstur í sögu Barcelona með 672 mörk og þá markahæstur í sögu argentínska landsliðsins með 112.
Litlar líkur eru á að Messi sé að leggja skóna á hilluna í bráð og er búist við að hann ætli að spila á HM 2026 með landsliði sínu.