Samkvæmt Daily Mail er Manchester United farið að skoða Xavi sem mögulegan arftaka fyrir Erik ten Hag ef gengi liðsins fer ekki að batna.
Forráðamenn United hafa verið að skoða málin síðustu daga en ákváðu að gefa Ten Hag meiri tíma.
Ten Hag og félagar unnu sigur á Brentford um liðna helgi en liðið mætir Fenerbache og West Ham á útivelli í næstu leikjum.
Xavi hætti með Barcelona í sumar en landslið Katar vill fá hann til starfa en nú á United að skoða hann sem kost.
Omar Berrada stjórnarformaður United þekkir Xavi vel eftir að hafa starfað hjá Barcelona frá 2004 til 2011 og er hann sagður spenntur fyrir Xavi.
