Það er Íslendingur í á varamannabekknum í Meistaradeildinni í kvöld en um er að ræða William Cole Campbell.
Cole Campbell er hálfur Íslendingur og hálfur Bandaríkjamaður en hann leikur með Dortmund.
Campbell hefur verið að koma sér inn í aðallið Dortmund og er einn af varamönnum gegn Real Madrid.
Strákurinn á enn eftir að spila sinn fyrsta aðalliðsleik en hann hefur tvívegis verið á bekknum áður.
Vonandi fær hann tækifæri í kvöld en þessi fyrrum FH-ingur er þó aðeins 18 ára gamall.