Í dag, þann 22. október, var þingfest fyrir Héraðsdómi Reykjaness mál sem héraðssaksóknari hefur höfðað gegn manni fyrir kynferðislega áreitni.
Um er að ræða tvö tilvik sem varða sömu konunni á árinu 2022. Samkvæmt ákæru átti annað tilvikið sér stað í Reykjavík þar sem maðurinn er sakaður um að hafa tekið utan um konuna og farið ítrekað með hönd sína ofan í rassvasa á buxum hennar og þannig snert rass hennar utanklæða.
Hitt tilvikið átti sér stað í uppsveitum Árnessýslu. Ákærði er það sagður hafa sett hönd sína á læri og klofsvæði konunnar, utan klæða, og stuttu síðar tekið í hönd hennar og sett hana á kynfæri sín, utan klæða, og sagt: „Finndu hvað ég er harður fyrir þig.“ Síðar sama kvöld, inni í fellihýsi sínu, er maðurinn sakaður um að hafa tekið utan um konuna og kysst hana tungukossi.
Héraðssaksóknari krefst þess að maðurinn verði dæmdur til refsingar og greiðslu alls sakarkostnaðar.
Konan krefst tveggja milljóna króna í miskabætur.