Í skeyti lögreglu kemur fram að maðurinn hafi reynt að komast undan lögreglu, en ekki vildi betur til en svo að hann endaði utan vegar og velti bifreiðinni. Engin slys urðu á fólki en ökumaðurinn var vistaður í fangaklefa.
Þá var annar ökumaður stöðvaður í sama hverfi en við skoðun kom í ljós að hann hafði aldrei öðlast ökuréttindi. Var málið afgreitt með sekt.
Loks var tilkynnt um líkamsárás í hverfi 109 og er gerandi óþekktur. Sá sem fyrir árásinni varð hlaut minniháttar meiðsli en ætlaði að leita á bráðamóttöku til skoðunar.