Cole Palmer er mest spennandi leikmaður Englands í dag að sögn goðsagnarinnar Pat Nevin sem lék með Chelsea á sínum tíma.

Palmer er auðvitað leikmaður Chelsea í dag og enska landsliðsins en hann hefur ekki unnið sér inn fast sæti í byrjunarliði Englands.

Nevin fer svo langt og segir að Palmer sé jafnvel betri leikmaður en leikmenn eins og Phil Foden og Jude Bellingham sem eru lykilmenn í landsliðinu.

,,Ef þú hefur fylgst með fótbolta í langan tíma þá geturðu séð þegar leikmaður er með eitthvað einstakt í vopnabúrinu,“ sagði Nevin.

,,Um leið og ég tók eftir Cole Palmer þá sá ég að hann væri að sjá hluti sem aðrir leikmenn gerðu ekki. Um leið og leikmenn eins og Phil Foden og Kevin de Bruyne fá boltann þá horfa þeir fram völlinn og senda boltann á Palmer.“

,,Þú ert ekki að senda þessar sendingar á venjulegan leikmann, þú sendir þessa bolta á leikmenn í sérflokki.“

,,Það er í raun leiðinlegt að England sé með Foden, Jude Bellingham og Jack Grealish sem spila svipaða stöðu. Að mínu mati er Palmer tæknina og sjónina sem gerir hann að betri leikmanni. Ég er efins þegar ég segi þetta því ég elska Foden en Palmer er með allt í vopnabúrinu.“

,,Ef þú ættir að kaupa einhvern einn enskan leikmann þá sé ég ekki hvern þú myndir velja frekar en Cole Palmer.“