Hasarmyndaleikarinn Sylvester Stallone er orðinn 78 ára, en slær þrátt fyrir það ekki slöku við.

Á föstudag birti hann myndband á Instagram þar sem sjá má hann stíga sporin við laga Smokey Robinson & The Miracle, More Love. Stallone myndi líklega ekki vinna danskeppni með þessari frammistöðu, en aðdáendur halda ekki vatni yfir myndbandinu og vilja meira. 

„Ég var að máta föt fyrir verðandi hlutverk þegar ég var myndaður, frábært lag samt.“ 

 

View this post on Instagram

 

A post shared by Sly Stallone (@officialslystallone)

Stallone var greinilega ánægður með myndbandið og viðbrögðin og birti myndbandið aftur degi síðar með nýtt lag undir, Rambo eftir Bryson Tiller.

„Og bítið heldur áfram, Rambo tími!“ 

 

View this post on Instagram

 

A post shared by Sly Stallone (@officialslystallone)

„Ég átti ekki von á Rambo sem dansara, en hann er ekki slæmur! Hreyfingarnar eru þarna, haltu áfram að dansa Sly,“ skrifaði einn aðdáandi hans.

Stallone er enn í fullu fjöri sem leikari, handrithöfundur og framleiðandi, fjórar kvikmyndir eru í vinnslu sem hann kemur að sem framleiðandi, handritshöfundur og/eða leikari. Önnur þáttaröð sjónvarpsþáttanna, Tulsa King, er í sýningu. Stallone er einn framleiðenda og leikur aðalhlutverkið, fyrrum mafíaforingjann Dwight The General Manfredi, sem losnar úr fangelsi eftir 25 ár og flytur til Tulsa í Oklahoma þar sem hann tekur upp fyrri iðju og kemur á fót glæpaveldi.