Umdeild ummæli sem Einar Þorsteinsson borgarstjóri lét falla á fjármálaráðstefnu sveitarfélaga fyrr í þessum mánuði virðast hafa átt við einhver rök að styðjast. Þetta er mat Björns Brynjúlfs Björnssonar, framkvæmdastjóra Viðskiptaráðs, en ráðið tók saman gögn sem virðast styðja við þessar fullyrðingar hans.

Fjallað er um málið í Morgunblaðinu í dag.

„Að kennararnir séu að biðja um að fá að vera minna með börnum, en eru samt veikari en nokkru sinni fyrr, kenna minna og einhvern veginn fleiri undirbúningstímar“.

Þetta voru ummælin sem Einar var harðlega gagnrýndur fyrir en þau féllu í tengslum við umræðu um fyrirhuguð verkföll kennara sem boðuð hafa verið frá 29. október næstkomandi.

Í Morgunblaðinu í dag segir Björn Brynjúlfur:

„Við tók­um sam­an helstu töl­fræði sem snýr að hag­kvæmni grunn­skóla­kerf­is­ins á Íslandi og töl­urn­ar sýna að áhyggj­ur borg­ar­stjóra voru ekki úr lausu lofti gripn­ar. Und­an­far­in ár og ára­tugi hef­ur kenn­ur­um og starfs­fólki skól­anna fjölgað hraðar en nem­end­um, kennslu­skylda ís­lenskra kenn­ara er með því lægsta sem þekk­ist inn­an OECD og veik­inda­hlut­fallið er ríf­lega tvö­falt á við það sem við sjá­um á al­menn­um vinnu­markaði.“

Bent er á það að aðeins í Grikklandi og Lúxemborg er fjöldi nemenda á kennara minni og aðeins í Lettlandi, Eistlandi og Póllandi er kennsluskylda íslenskra kennara minni. Þannig myndu þurfa að auka kennsluskylduna um nærri þriðjung til að ná meðaltali OECD.

Björn segir í Morgunblaðinu að íslenska menntakerfið virðist ekki standast alþjóðlegan samanburð og vanda grunnskólakerfisins verði eitt stærsta kosningamálið í komandi kosningum.

Nánar er fjallað um málið í Morgunblaðinu í dag.