Hugsanlega geta megrunar- og sykursýkislyf á borð við hið vinsæla Ozempic hjálpað fólki að takast á við áfengissýki. Ný rannsókn leiddi í ljós að ef fólk sprautaði sig með lyfinu, þá voru 50% minni líkur á að það yrði ölvað en þeir sem ekki notuðu lyfið.

Sky News skýrir frá þessu og segir að rannsóknin hafi einnig leitt í ljós að lyfið gagnaðist þeim sem eru háðir ópíóíðum. Rannsóknin hefur verið birt í vísindaritinu Addiction.

Í henni kemur fram að vísindamennirnir rannsökuðu áhrif lyfja á borð við Ozempic lyfja á borð við Mounjaro. Þessi lyf eru ekki byggð á sömu tækninni og virka því á mismunandi hátt á líkamann.

En lyfin eiga það sameiginlegt að þau geta hjálpað fólki að takast á við fíkn, því auk þess að takast á við matarlyst, þá hafa þau einnig áhrif á þann hluta heilans sem viðheldur fíknihegðun að mati sérfræðinga.