Áhrifavaldurinn Brynhildur Gunnlaugsdóttir er komin til að vera á Íslandi. Hún hefur undanfarna mánuði verið í Króatíu ásamt kærasta sínum, Dani Koljanin, og dóttur.

Dani er króatískur körfuboltamaður og spilar með KR á Íslandi.

Í nýjasta þætti af hlaðvarpinu Gellukast, sem Brynhildur heldur úti ásamt Söru Jasmín, segist Brynhildur ánægð að vera komin á klakann.

„Við tókum pásu [frá þáttagerð]út af því Brynhildur var í Króatíu,“ segir Sara Jasmín. „Það eru svo margir sem halda að þú búir ennþá úti.“

Gaman en mjög heitt

Brynhildur og Dani eignuðust dóttur í desember í fyrra.

Sjá einnig: Brynhildur Gunnlaugs orðin mamma – Hélt meðgöngunni leyndri

„Það er ógeðslega næs að vera í Króatíu en ég var allt of lengi. Út af því það er svo heitt þá þurfti ég alltaf að vera inni því [dóttir mín] er svo lítil. En ég er komin til að vera,“ segir Brynhildur.

Hún segir það ekki rétt það sem margir halda; að hún hafi flutt til Króatíu. Fjölskyldan dvaldi þar bara í sumar. Hún kveðst ekki ætla að endurtaka leikinn á næsta ári.

„Ég verð alltaf á Íslandi á veturna og meira að segja næsta sumar líka. Ég er búin að ákveða að ég nenni ekki að vera þarna aftur.“ segir Brynhildur og bætir við að þó sumarið í Króatíu hafi verið æðislegt þá langi hana að leyfa dóttur sinni að upplifa einnig íslenskt sumar.

„Ég er komin til að vera,“ segir hún.

Hægt er að hlusta á nýjasta þáttinn með Brynhildi og Söru Jasmín hér að neðan.