Tónlistarmaðurinn Darri Tryggvason segist hafa tilkynnt strákasveitina IecGuys til Samkeppniseftirlitsins fyrst eftir að hún kom fram í sviðsljósið.

Eins og flestir vita eru fimm landsþekktir í sveitinni, tónlistarmennirnir Aron Can, Friðrik Dór, Herra Hnetusmjör og Jón Jónsson, og Rúrik Gíslason, sem lengst af var þekktur fyrir fótboltahæfilega sína.

„Ég er búinn að fara í Samkeppniseftirlitið og biðja þá um að skoða þetta. En þeir eru með Villa Vill sko. Þeir eru löngu búnir að passa að þetta verði ekkert vesen,“ sagði Háski, eins og hann er best þekktur í viðtali við Ísland vaknar á K100 í gær.

„Þetta er ótrúlegur samruni. Þetta er bara eins og Bónus, Hagkaup, Iceland, Fjarðarkaup og Krónan myndu sameinast. Hvað á kaupmaðurinn á horninu að gera? Þetta er bara búið,“ sagði Háski glettnislega.

Háski var mættur til að kynna eigið lag, Valdi þig, sem hann frumflutti á K100. Hlusta má á lagið og viðtalið í heild sinni hér.