Thomas Tuchel var í gær ráðinn nýr þjálfari enska landsliðsins en hann hefur undanfarna mánuði verið atvinnulaus.
Tuchel þekkir aðeins til Englands en hann þjálfaði Chelsea um tímabil og vann þar Meistaradeildina.
Margir Englendingar eru þó ekki hrifnir af þessari ráðningu og vilja meina að þýskur þjálfari eigi ekki að taka við enska landsliðinu.
Tuchel segist lítið geta gert í því að hann sé með þýskt vegabréf en horfir bjartsýnislega fram veginn.
,,Afsakið það að ég sé með þýskt vegabréf. Vonandi get ég sannfært þessa stuðningsmenn og sýnt þeim að ég sé stoltur þjálfari enska landsliðsins,“ sagði Tuchel.
Tuchel tekur við þann 1. janúar 2025 en Lee Carsley mun þjálfa liðið þangað til.