Halla Tómasdóttir bar afgerandi sigur úr býtum í forsetakosningunum í vor, en gott gengi hennar hefur meðal annars verið rakið til þess hversu vel hún náði til yngri kjósenda með því að nýta sér samfélagsmiðilinn TikTok.
Jón Trausti Reynisson, framkvæmdastjóri Heimildarinnar, skrifaði í færslu um helgina að TikTok-gæti skipt miklu máli í komandi kosningum, og jafnvel orðið til þess að hér taki hrein hægri stjórn við völdum:
„Núna er það þannig að Sjálfstæðisflokkur, Miðflokkur og Viðreisn eru í síðustu könnun einni TikTok herferð frá því að ná meirihluta með tæra hægri stjórn, ef einhver skyldi vilja vinna með Bjarna og Sigmundi, þó ekki sé nema þeir sjálfir.“
Því er ekki úr vegi að kanna hvað stjórnmálaflokkarnir eru að gera á TikTok. Til að draga saman það sem rekið er hér að neðan þá er Flokkur fólksins sem stendur að standa sig best á TikTok, þó að Miðflokkurinn sem bara nýlega hóf að nýta sér miðilinn sæki fast á miðin.
Sjálfstæðisflokkurinn er á TikTok, en þar fer þó minna fyrir honum en á Alþingi. Fylgjendur eru aðeins 742 talsins en „læk“ eru 6.309 þegar grein þessi er rituð. Vinsælasta myndband flokksins á þessu ári er frá því í apríl en það hefur fengið um 12,7 þúsund áhorf. Það kemur líklega fáum á óvart að myndbönd flokksins einkennast af nokkru íhaldi en þó má finna dæmi um létt grín.
Hér er vinsælasta myndbandið:
@sjalfstaedisflokkurinnBjarni Benediktsson forsætisráðherra um útlendingamál í Kastljósi. Þar benti hann á hversu hratt kostnaðurinn hefur vaxið við málaflokkinn en benti jafnframt á að frumvarp um breytingu á útlendingalögunum liggi fyrir á Alþingi.♬ original sound – Sjálfstæðisflokkurinn
Hér er smá grín:
@sjalfstaedisflokkurinnMá lögregla rannsaka mál að eilífu? – spurði Hildur Sverrisdóttir í pontu þegar hún mældi fyrir frumvarpi sínu um hámarkstíma sakamálarannsókna. Það gekk þó ekki uppákomulaust fyrir sig. Því það fylgir stundum þingstarfinu að þurfa spretta í pontuna með litlum fyrirvara.♬ original sound – Sjálfstæðisflokkurinn
Miðflokkurinn er á mikilli siglingu í skoðanakönnunum. Flokkurinn hafði látið TikTok, en líklega fengið innblástur frá góðu gengi Höllu forseta því flokkurinn mætti með látum á TikTok nú í september. Miðflokkurinn er meira í flippinu en aðrir sem virðist vera að skila sér því fylgjendur eru strax 909 talsins þó að „læk“ séu sem stendur aðeins 3.204. Vinsælasta myndbandið er það fyrsta sem flokkurinn birti og hefur fengið 42,8 þúsund áhorf.
Hér er vinsælasta myndbandið:
@midflokkurinn17 #fyp #Ísland #íslenskt @Bergthor Olason ♬ original sound – Miðflokkurinn
Hér er svo annað nýlegt þar sem grínið er í lykilhlutverki.
@midflokkurinn17 #fyp #Ísland #íslenskt @Bergthor Olason ♬ original sound – EX7STENCE™
Flokkur fólksins hefur náð að koma sér nokkuð vel fyrir á TikTok. Fylgjendur eru 1.599 og „læk“ 20 þúsund. Myndböndin eru í alvarlegri kantinum með áherslu á málefni flokksins og gagnrýni í garð ríkisstjórnarinnar. Vinsælasta myndbandið á þessu ári er frá því í janúar og hefur fengið 43,3 þúsund áhorf.
@flokkurfolksins Algjört stjórnleysi í málefnum hælisleitenda. #islenskt #islensktiktok #fyp #althingi ♬ original sound – Flokkur fólksins
Það má þó líka finna grín, þó undirtóninn sé alvarlegur.
@flokkurfolksins Síðasta föstudag greiddu þingmenn atkvæði um fjárlögin. Þrátt fyrir að árlega deyi tugir einstaklinga ótímabærum dauða vegna fíkniskjúkdómsins sér ríkisstjórnin enga ástæðu til að koma til bjargar og kaus gegn auknum framlögum til stofnana sem berjast gegn banvænum fíkniskjúkdómsum. #islensktiktok #ísland #islenskt ♬ original sound – Flokkur fólksins
Píratar á TikTok hafa nælt sér í 478 fylgjendur og 4162 „læk“ á því tæpa ári sem flokkurinn hefur verið á miðlinum. Myndbönd flokksins eru allskonar en helst þjóna þau þeim tilgangi að upplýsa um störf þingmanna flokksins á Alþingi. Vinsælasta myndbandið hefur fengið 34,8 þúsund áhorf en þar bregður Björn Leví Gunnarsson, þingmaður, á leik með slanguryrði yngstu kynslóðarinnar.
@piratar.xp Hæ besties 🤗 komiði með @bjornlevi í smá vibe check á Alþingi 🙌 #íslenskstjórnmál #íslenskt #pólitík #fyrirþig #píratar #íslensktiktok ♬ original sound – Píratar XP
Samfylkingin mætti á TikTok í febrúar og spilar formaðurinn, Kristrún Frostadóttir, stórt hlutverk í myndböndunum sem birst hafa. Fylgjendur eru 580 talsins og „læk“ eru 2.754. Myndböndin eru helst til alvarleg og eru gagnrýnin á ríkisstjórnina. Vinsælasta myndbandið hefur fengið 17,3 þúsund áhorf og fjallar um nauðsyn þess að styrkja löggæslu í landinu.
@samfylkingin Samfylkingin vill styrkja þær stofnanir sem halda uppi lögum og reglu í landinu 🌹 #íslenskt #íslenskpólitík #pólitík #althingi #fyp #fyrirþig ♬ original sound – samfylkingin
Framsókn mætti fyrst um helgina á TikTok og birtist fyrsta myndbandið á laugardaginn. Myndbandið sýndi frá opnun nýrrar skrifstofu flokksins í Bæjarlind. Flokkurinn er með 31 fylgjanda og 38 „læk“. Vinsælasta myndbandið birtist í gær en þar má heyra formann flokksins, Sigurð Inga Jóhannsson, ræða um stöðuna innan ríkisstjórnarinnar við kvöldfréttir RÚV. Það myndband hefur fengið 1.019 áhorf.
@framsoknSigurður Ingi, formaður Framsóknar, var í viðtali í kvöldfréttum á RÚV í gær að ræða þá stöðu sem upp er komin. Formaðurinn hefur talað 🙌♬ original sound – Framsókn
Viðreisn hefur verið nokkuð virk á TikTok undanfarið ár. Fylgjendur eru 468 og „læk“ eru 2.874. Myndbönd flokksins eru í léttari kantinum og greinilega ætlað að höfða til unga fólksins. Vinsælasta myndbandið birtist í gær og hefur þegar fengið 16,2 þúsund áhorf. Þar útskýrir Viðreisn hvað það þýðir að rjúfa þing.
@vidreisn Hvað þýðir þingrof?🤔 #fyrirþig #alþingi #x24 ♬ original sound – Viðreisn
Þau sýndu líka stemninguna á Alþingi í gær:
@vidreisn Stemningscheck á Alþingi🙈 #fyrirþig #alþingi #x24 ♬ original sound – Viðreisn
Vinstri Græn virðast ekki sérstaklega virk á TikTok, en blaðamaður fann þó TikTok-síðu sem virðist tilheyra flokknum. Fylgjendur eru þar 94 og „læk“ eru 377. Þar birtist síðast myndband í sumar, en ekki er hægt að flækja það (e. embed) þar sem um mynd og hljóðbrot er að ræða. Myndin er hér að neðan en hljóðbrotið er úr lagi Bubba, Stúlkan sem starir á hafið.
