Dóttir söngvarans R. Kelly hefur nú stigið fram að sakað föður sinn um að hafa brotið gegn sér þegar hún var aðeins barn að aldri.
Dóttirin, Buku Abi, er 26 ára gömul en hún stígur fram í heimildaþáttum TVE! sem heita: Karma: A Daughter’s Journey. Þar sakar hún föður sinn um að hafa brotið gegn sér þegar hún var um átta eða níu ára gömul.
Buku segist fyrst hafa greint móður sinni frá brotunum árið 2009, en hún var þá 10 ára.
R. Kelly afplánar nú 31 árs fangelsisdóm eftir að hann var í tvígang, bæði 2021 og 2022, sakfelldur fyrir fjölda brota. Svo sem mansal, vörslur á barnaníðsefni og fyrir að hindra framgang réttvísinnar.
„Hann var mér allt. Mig langaði lengi vel ekki til að trúa því að þetta hafi gerst. Ég vissi ekki einu sinni að hann væri slæm manneskja, að hann myndi gera mér eitthvað.. Ég var of hrædd til að segja frá. Ég var of hrædd til að segja mömmu minni.“
Buku segir að ofbeldið hafi breytt henni. Þessi stuttu tími sem brotið tók hafi breytt öllu, breytt því hver hún er, stolið frá henni neistanum og slökkt ljósið í lífinu.
„Ég man bara að ég vaknaði við það að hann var að snerta mig,“ segir Buku með tárin í augunum. „Ég vissi ekki hvað ég ætti að gera svo ég bara lá þarna og þóttist vera sofandi.“
Eftir að Buku sagði mömmu sinni frá hætti hún að fara í umgengni til föður síns ásamt alsystkinum sínum. Hún og móðir hennar lögðu fram kæru en þá hafði svo langt liðið frá brotinu að ekkert varð úr ákæru.
Lögmaður R. Kelly segir í yfirlýsingu til fjölmiðla að söngvarinn harðneiti þessum ásökunum. Fyrrverandi kona hans hafi haldið sambærilegu fram fyrir mörgum árum síðar og lögregla hafi rannsakað þær ásakanir og metið þær tilhæfulausar.
