Bianca er ástralskur arkitekt og byrjaði að starfa fyrir fyrirtæki Kanye, Yeezy, árið 2020. Þau giftust við leynilega athöfn í janúar 2023.
Sagt er að hjónaband þeirra standi á brauðfótum eftir að Bianca svaraði fyrir sig og sagðist ekki vera sammála Kanye.
Fyrr í vikunni greindu slúðurmiðlar vestanhafs að hjónin hefðu sagt vinum sínum að þau væru hætt saman.
En ekki er vitað hvort um sé að ræða kjaftasögu eða ekki, þar sem að það hefur sést til þeirra saman í Tókýó síðan þá.
The Sun greinir frá því að brestir byrjuðu að myndast í sambandi þeirra og afhjúpar ástæðuna fyrir því.
Sjá einnig: Segja hana hafa gefið skít í reglu Kim Kardashian varðandi börnin
Samkvæmt miðlinum snýr ágreiningurinn að barneignum, útliti Biöncu og starfsframtíð hennar. Sagt er að Bianca hafi svarað Kanye og hugmyndum hans og það hafi farið öfugt ofan í hann.
„Ástæðan fyrir erfiðleikunum, eða það sem ég heyrði, var að Bianca vildi reyna að eignast barn en Kanye sagði að það væri ekki „hluti af planinu,““ sagði heimildarmaður The Sun.
„Það var eins og hann væri að segja að það myndi ekki passa inn í „útlitið“ sem hann hefur ákveðið fyrir hana, ef hún verður ólétt.“
„Hún sagði honum einnig frá hugmyndum sem hún hefur fyrir fyrirtækið, hún vill gefa út eigin fatalínu eða taka að sér stærra hlutverk. Það er eins og Kanye vill ekki konur sem svara fyrir sig og fara gegn hugmyndum hans. Hann vill konur sem líta upp til hans og sjá hann sem snilling og leiðbeinanda.“
Heimildarmaðurinn sagði ástralska arkitektinn aðeins vera í þessu sambandi barnanna vegna.
„Hún fór að hitta fjölskyldu sína – sem er ekki hrifin af Kanye. En börnin hans, sérstaklega North, eru náin Biöncu og myndu verða leið ef þau myndu hætta saman. Ég held að þess vegna tóku þau saman aftur, en það mun ekki endast lengi.“
