Flestir svarendur í nýrri könnun hafa litlar eða engar væntingar um að kaupmáttur launa þeirra muni hækka á næstu 12 mánuðum. Framsóknarmenn eru bjartsýnastir á eigin fjárhag.
Þetta kemur fram í nýrri könnun Maskínu.
Alls hafa H. Það er 50 prósent litlar og 18 prósent engar. 57 prósent hafa litlar eða engar væntingar um að laun sín hækki yfirhöfuð.
Aðeins 11 prósent hafa miklar væntingar til þess að kaupmáttur aukist á komandi ári en 21 prósent hafa hóflega miklar væntingar til þess.
Nokkur munur er á fólki eftir stjórnmálaskoðunum þegar kemur að væntingum til kaupmáttar. Framsóknarmenn eru bjartsýnastir, 16,3 prósent þeirra telja miklar líkur á að kaupmátturinn aukist.
14,9 prósent Sjálfstæðismanna eru mjög vongóðir, 14,1 prósent Miðflokksmanna, 13,6 prósent kjósenda Flokks fólksins, 11 prósent Samfylkingarfólks, 10,5 prósent Sósíalista, 9,6 prósent Pírata en aðeins 7,4 prósent Viðreisnarfólks.
Karlar eru vongóðri en konur, 12 prósent á móti 9,3 prósentum og almenn séð er ungt fólk vongóðra en það eldra. Aðeins 3,1 prósent fólks 60 ára eða eldra telur að kaupmáttur launa sinna muni hækka á næsta ári. Hjá 18 til 29 ára er hlutfallið 15 prósent.
Þegar litið er til landshluta sést að fólk á landsbyggðinni er almennt bjartsýnna en fólk á höfuðborgarsvæðinu. Hæst er hlutfallið á Norðurlandi, 18,2 prósent, en lægst í nágrannasveitarfélögum Reykjavíkur, 8,3 prósent.
Könnunin var gerð 16. til 24. september. Svarendur voru 1.067.
