Rebekah Vardy tapaði meiðyrðamáli sínu gegn Coleen Rooney í fyrra. Rebekah er eiginkona Jamie Vardy, leikmanns Leicester og Coleen er eiginkona Manchester United-goðsagnarinnar Wayne Rooney.

Málið heldur þó áfram þar sem deilt er um þann kostnað sem Vardy á að greiða Coleen fyrir málið.

Rebekah var dæmd til að greiða 142 milljónir í málskostnað fyrir Coleen sem hún sættir sig ekki við, hún telur að reikningurinn frá Coleen sé alltof hár.

Því fer málið fyrir dóm þar sem farið verður yfir gögning frá Coleen og hvort Rebekah eigi að borga alla þessa summu.

Fyrir þremur árum síðan taldi Coleen sig hafa komist að því að Rebekah væri að leka upplýsingum um sig og sína í enska götublaðið The Sun.

Coleen áttaði sig ekki á því hvers vegna svo mikið af fréttum af henni rataði í blaðið. Með nokkurs konar rannsókn komst hún að því að Rebekah væri að leka fréttunum og lét vita af því opinberlega.

Rebekah hefur ávalt neitað sök og höfðaði meiðyrðamál gegn Coleen sem hún tapaði og taldi dómari nokkuð öruggt að Rebekah hefði lekið öllu í blöðin.