Frederik Schram er að spila sína síðustu leiki í treyju Vals en samningur hans er á enda og Valur búið að semja við Ögmund Kristinsson sem er mættur til leiks.
Schram hefur spilað síðustu tvo leiki vegna meiðsla Ögmundar og átti frábæran leik í 2-2 jafntefli gegn Breiðablik í gær.
„Mér finnst Frederik Schram betri markvörður en Ögmundur, þetta er klípu mál. Honum var boðin góður samningur,“ sagði Mikael Nikulásson í Þungavigtinni í dag.
Ríkharð Óskar Guðnason einn þekktasti stuðningsmaður Vals lagði orð í belg. „Frederik er betri að verja, þegar hann þarf að spila boltanum er vesen.“
Mikael segir að þetta sé nú ekki flókið þegar rætt er um markverði. „Þú ert þarna til að fokking verja boltann, Valsarar buðu honum góðan samning en hann sagði nei og hélt að hann væri með hann. Þeir taka Ögmund og Frederik vildi skrifa undir degi eftir það. Hann er miklu yngri en Ögmundur. Þarna er risa biti og spurning hvert hann fer, fer hann ekki bara í FH.“
