Nýleg rannsókn danskra vísindamanna leiddi í ljós að 200 metra há flóðbylgja myndaðist á síðasta ári á Grænlandi. Stór skriða kom flóðbylgjunni af stað í Dicksonfirði. Enginn meiddist en smávegis eignatjón varð.

The Guardian segir að greining á jarðskjálftagögnum, tengdum þessum atburði, sýni að í kjölfar flóðbylgjunnar hafi alda farið fram og aftur í firðinum dögum saman.

Miðillinn hefur eftir Angela Carrillo Ponce, hjá þýsku jarðfræðimiðstöðinni, að jarðskjálftamælar í allt að 5.000 km fjarlægð hafi numið flóðbylgjuna.

Niðurstöður rannsóknar Ponce og samstarfsfólk, sem hafa verið birtar í vísindaritinu The Seismic Record, benda til að loftslagsbreytingarnar hraði bráðnun Grænlandsjökuls og sífrera og auki þar með líkurnar á skriðuföllum og risaflóðbylgjum.