Kai Havertz sóknarmaður Arsenal gerði stuðningsmenn Chelsea brjálaði í gærkvöldi með ummælum sínum sem hann lét falla eftir leik Arsenal og PSG.

Havertz var á skotskónum í sigri Arsenal á PSG í Meistaradeildinni og á hann sér þann draum að vinna keppnina með Arsenal.

Havertz þekkir það að vinna Meistaradeildina en hann afrekaði það með Chelsea árið 2021 þar sem hann skoraði sigurmark leiksins gegn Manchester City.

„Að vinna Meistaradeildina er ljúf tilfinning, það væri enn betra að ná að gera það með Arsenal,“ sagði Havertz.

„Það væri miklu mikilvægara fyrir mig.“

Stuðningsmenn Chelsea eru ekkert sérstaklega sáttir með þessi ummæli Havertz. „Að skora næst mikilvægasta mark í sögu Chelsea en ert samt hataður af öllum stuðningsmönnum félagsins, það segir ýmislegt um hversu ömurlegur karakter Havertz er,“ segir einn.

Fleiri taka í sama streng en Havertz er á sínu öðru tímabili hjá Arsenal eftir að félagið keypti hann frá Chelsea.