Lydia hefur verið dugleg að leyfa fylgjendum sínum á TikTok að fylgjast með ævintýrinu og deilir einnig ýmsum fróðleik um landið og öðru áhugaverðu sem hún hefur lært.
Lydia flakkar á milli Íslands og Colorado í Bandaríkjunum en segir að það sé eitt sem hún gerir alltaf á Íslandi, að fara í klippingu.
Bæði hún og Collin passa sig á því að panta alltaf tíma í klippingu þegar þau eru á Íslandi.
Lydia var að svara fylgjanda sem sagði: „Það fyrsta sem ég geri alltaf þegar ég fer til Íslands er að fara í klippingu. Og venjulega fæ ég að heyra frá hárgreiðslukonunni: „Hver klippti eiginlega þig síðast? Hún fór illa með hárið þitt!“
Lydia tók undir með netverjanum og sagði að Ísland væri með magnað hárgreiðslufólk.
@lydkerr Replying to @Spicy-Viking ♬ original sound – Lydia
Hún segir að hún hafi fyrst verið smeyk um að finna góða hárgreiðslukonu þegar hún flutti til Íslands.
„Síðan komum við til Íslands og ég hef fengið bestu klippingar ævi minnar á Íslandi. Sama með Collin,“ segir hún.
Hún segir að hún hafi farið á hárgreiðslustofuna Rauðhetta og úlfurinn og að Collin hafi farið á Barber Shop Genti. Báðar stofurnar eru í Reykjavík.
„Við elskum bæði hárgreiðslufólkið okkar á Íslandi. Svo mikið að við pössuðum að eiga tíma í klippingu á Íslandi þegar við vorum að flakka fram og til baka frá Colarado,“ segir hún.
