Andri Lucas Guðjohnsen nýtti tækifærið vel í kvöld er hann lék með Gent gegn Leuven í belgísku úrvalsdeildinni.
Andri byrjaði leikinn á varamannabekknum en kom inná þegar 76 mínútur voru liðnar.
Staðan var þá 2-0 fyrir Gent en tveimur mínútum síðar hafði íslenski landsliðsmaðurinn skorað þriðja markið.
Þetta var annað mark Andra fyrir Gent en hann hefur einnig lagt upp eitt.
Gent er í öðru sæti deildarinnar eftir níu leiki en er sex stigum á eftir toppliði Genk.
