Enzo Maresca, stjóri Chelsea, væri til í að vera með allt að sjö Marc Cucurella í liði sínu og er gríðarlegur aðdáandi leikmannsins.
Maresca segir sjálfur frá en Cucurella er bakvörður Chelsea og fær að spila flest alla leiki undir Maresca.
Maresca segir að spænski landsliðsmaðurinn geri aðra leikmenn í kringum sig betri – eiginleiki sem ekki allir leikmenn bjóða upp á.
,,Marc Cucurella er mjög mikilvægur fyrir okkur. Hann er með eiginleika sem er erfitt að finna í leikmönnum,“ sagði Maresca.
,,Hann er góður leikmaður og er sá leikmaður sem gerir alla í kringum sig betri með því að heimta meira og tala við þá.“
,,Ef þú gætir verið með fimm, sex eða sjö leikmenn eins og Marc í liðinu sem gera aðra betri, það er mjög mikilvægt. Ég er gríðarlega ánægður með Marc.“