Arsenal vann dramatískan sigur á Leicester í uppbótartíma í enska boltanum í dag, nokkrum leikjum var að ljúka.
Sex mörk voru skoruð í fyrri hálfleik í leik Chelsea og Brighton, Cole Palmer skoraði fernu fyrir Chelsea. Ekkert mark var skorað í síðari hálfleik. Staðan 4-2 í hálfleik og þannig lauk leiknum.
Er þetta fyrsta fernan sem leikmaður í ensku úrvalsdeildinni skorar í fyrri hálfleik.
Á Emirates vellinum var það Gabriel Martinelli kom Arsenal yfir áður en Leandro Trossard kom Arsenal í 2-0 og þannig stóð þegar flautað var til hálfleiks.
James Justin var hins vegar í gír í seinni hálfleik og skoraði tvö fyrir Leicester og jafnaði. Það síðara var með geggjuðu skoti sem fór í stöng og inn.
Það var svo í uppbótartíma sem Arsenal skoraði komst í 3-2 þar sem Trossard skoraði áður en Kai Havertz skoraði fjórða markið og tryggði 4-2 sigur.
Everton vann 2-1 sigur á Crystal Palace þar sem Dwight McNeill skoraði bæði mörk liðsins eftir að Marc Guehi kom Crystal Palace yfir.
West Ham sótti stig á útivelli gegn Brentford þar sem leiknum lauk með 1-1 jafntefli.
Fulham vann 0-1 sigur á Nottingham Forest þar sem eina markið kom af vítapunktinum, Raul Jimenez skoraði eina markið.