Jose Mourinho var bálreiður eftir leik Galatasaray og Fenerbahce sem fór fram í tyrknensku úrvalsdeildinni um helgina.
Fenerbahce tók á móti Galatasaray í efstu deild en Mourinho er stjóri þess fyrrnefnda og töpuðu hans menn, 3-1.
Stjóri Galatasaray lét bíða eftir sér í yfir klukkutíma áður en hann ákvað að mæta á blaðamannafund eftir lokaflautið.
Það fór virkilega í taugarnar á Mourinho sem segist aldrei hafa lent í öðru eins á sínum ferli.
,,Á 24 árum starfandi í fótbolta þá hef ég aldrei sloppið við blaðamannafund og hvað þá eftir tapleik,“ sagði Mourinho.
,,Ég hef aldrei óttast blaðamenn, spurningar eða blaðamannafundi.“
,,Það er galið að bíða í 75 mínútur eftir því að hefja blaðamannafund. Leikurinn er löngu búinn, ég óskaði andstæðingnum til hamingju og svo beið ég í 70 mínútur.“
,,Mér var ekki hleypt inn, ég var við dyrnar og reyndi að komast inn en það var víst bannað. Því miður þá er þetta vanvirðing í minn garð. Ef einhver á að finna fyrir vanvirðingu þá er það ég.“