Sóknarmaðurinn Richarlison er ekki of sáttur með eigin einkunn í tölvuleiknum nýja EA Sports FC 2025.
Leikurinn var að koma út en Richarlison fær 81 í einkunn af 100 sem er heilt yfir nokkuð fínt ‘spjald’ í leiknum.
Richarlison spilar með Tottenham og er reglulega í leiknum sem hét áður FIFA en margir ættu að kannast við þann titil.
Richarlison átti ekki frábært tímabil síðasta vetur en hann skoraði 11 mörk í deildinni fyrir Lundúnarliðið.
,,Hey FIFA, þetta er ömurlegt spjald. Fokking ömurlegt,“ sagði Richarlison um einkunnina.
Brassinn fór skrefi lengra og setti inn Instagram færslu eftir að hafa skorað sem hann sjálfur í leiknum: ,,Takk FIFA, þetta spjald er rosalegt gott.“