Glæislegt mark Gylfa Þórs Sigurðssonar bjargaði stigi fyrir Val gegn Stjörnunni á heimavelli í Bestu deild karla í kvöld. Staðan var slæm fyrir Val sem kom til baka og náði jafntefli.
Stjarnan leiddi 0-2 í hálfleik en Albin Skoglund lagaði stöðuna áður en Gylfi Þór Sigurðsson hlóð í glæsilegt mark til að jafna leikinn.
Í hinum leik kvöldsins vann Breiðablik 2-0 sigur á ÍA þar sem sjálfsmark kom Blikum yfir áður en Ísak Snær Þorvaldsson tryggði sigurinn með geggjuðu marki í uppbótartíma.
Breiðablik tyllir sér á toppinn með sigri en Víkingur mætir FH á miðvikudag.
Stigið fyrir Val var dýrmætt en liðið er í þriðja sæti og áfram fjórum stigum á undan Stjörnunni og fimm stigum á undan ÍA.
Breiðablik 2 – 0 ÍA:
1-0 Johannes Vall (Sjálfsmark)
2-0 Ísak Snær Þorvaldsson
Valur 2 – 2 Stjarnan:
0-1 Hilmar Árni Halldórsson
0-2 Adolf Daði Birgisson
1-2 Albin Skoglund
2-2 Gylfi Þór Sigurðsson