Kyle Walker fyrirliði Manchester City sakar Michael Oliver dómara leiksins um stór mistök í fyrra marki Arsenal í leik liðanna í gær.
Walker var úr stöðu þegar Arsenal jafnaði leikinn 1-1 en Oliver hafði kallað Walker til sín til að ræða við hann.
Oliver vildi ræða við fyrirliða liðana. „Ég fór til hans, ég og Bukayo Saka ákváðum ekki að fara þangað. Hann kallaði á okkur,“ segir Walker við BBC í dag.
„Ef ég er kallaður yfir, þá á. hann að gefa mér tíma til að komast í stöðu áður en boltanum er sparkað yfir mig.“
„Ef ég hefði sjálfur farið til hans og er úr stöðu, þá er það mér að kenna. Ég var í stöðu, hann kallaði fyrirliðana saman til að róa leikmenn.“
„Ég er að labba til baka og segi leikmönnum að einbeita sér. Boltinn fer síðan yfir mig.“
„Ef ég er makvörður, leyfir hann mér að fara aftur í markið? Að sjálfsögðu, ég er varnarmaður og hann á að gefa mér smá tíma áður en hann flautar.“