Í viðtalinu ræddi Hayden í fyrsta skipti um fráfall bróður hennar, sem var bráðkvaddur í febrúar í fyrra, aðeins 28 ára gamall.
Viðtalið vakti mikla athygli og höfðu aðdáendur áhyggju af andlegri heilsu hennar og edrúmennsku. Talsmaður Hayden tók fyrir að hún hafi verið undir áhrifum og sagði að það hafi reynst henni erfitt að ræða um bróðurmissinn opinberlega.
Sjá einnig: „Óþægilegt og sorglegt“ viðtal við leikkonuna veldur áhyggjum
In an emotional first interview, #HaydenPanettiere opens up about her younger brother Jansen’s sudden death in 2023. pic.twitter.com/Gl63HUnuxO
— People (@people) September 18, 2024
Nú hefur Hayden stigið fram og tjáð sig um málið. „Það er óskiljanlegt að ég sé í þessari stöðu en mér finnst ég þurfa að tjá mig um málið á stað þar sem ég verð ekki gagnrýnd fyrir hversu hratt eða hægt ég tala,“ skrifaði leikkonan í færslu á Instagram.
„Ég var ekkert búin að sofa í tvo daga þegar viðtalið var tekið upp því einn hundurinn minn var að jafna sig eftir bráðaaðgerð.“
Hún ræddi einnig um orðróminn um að hún væri fallin. „Sorg kemur öðruvísi fram hjá okkur öllum. Hvort ég er á einhverjum lyfjum kemur engum við nema mér og læknisins míns.“
Hayden sagði að talsmaður hennar hafi séð að hún væri uppgefin og stoppað viðtalið fyrr. Hún sagði að People hafi sagt að þau myndu klippa myndbandið til og að þetta yrði „falleg umfjöllun.“
Að lokum þakkaði leikkonan þeim sem komu henni til varnar.
Hægt er að lesa yfirlýsingu Hayden hér að neðan. Prófaðu að endurhlaða síðuna ef þú sérð ekki færsluna.
View this post on Instagram
