Riccardo Calafiori hefur sent skýr skilaboð til stjóra liðsins, Mikel Arteta, en leikmaðurinn kom til Arsenal í sumar.
Calafiori hefur enn ekki byrjað leik fyrir Arsenal á tímabilinu en hann segist vera meira en tilbúinn.
Ítalski landsliðsmaðurinn kostaði 42 milljónir punda í sumar en hefur einnig glímt við smávægileg meiðsli á tíma sínum á Emirates.
,,Þetta er mikil áskorun fyrir mig en ég vissi það áður en ég kom. Ég get komið með mín gæði í liðið og það myndi gera mig ánægðan,“ sagði Calafiori.
,,Ég veit að ég get gefið meira af mér. Samkeppnin er góð því allir eru að hvetja samherja sína áfram á æfingum og í leikjum. Ég er búinn að aðlagast. Liðið hefur tekið vel við mér en nú er kominn tími á að ég fái að spila.“