Pep Guardiola stjóri Manchester City segir að liðið hans hafi fengið forskot fyrir stórleikinn gegn Arsenal á sunnudag.
Ástæðan er sú að City lék heima í Meistaradeildinni á miðvikudag en Arsenal lék á útivelli gegn Atalanta degi síðar.
„Þetta er forskot fyrir okkur,“ sagði Guardiola en hélt svo áfram.
„Ég er með lista af atvikum síðustu sex árin þar sem andstæðingar okkar hafa fengið svona forskot. Þar sem við fengum minni tíma í endurheimt.“
„Ég er með mjög langan lista, en að sjálfsögðu er þetta forskot fyrir okkur.“
Stórleikurinn fer fram á Ethiad á sunnudag en leikur liðanna á síðustu leiktíð endaði með markalausu jafntefli.