Lögreglumenn á lögreglustöð 4, sem sinnir Grafarvogi, Mosfellsbæ og Árbæ, stöðvuðu bifreið í akstri við almennt umferðareftirlit. Fjórir einstaklingar voru í bifreiðinni og vildi svo einkennilega til að þegar lögregla kom að bílnum til að gefa sig á tal við ökumann sat enginn undir stýri. Þá vildi enginn kannast við að hafa ekið bílnum.
Mennirnir sluppu ekki svo auðveldlega því þeir voru allir handteknir og eru allir grunaðir um að hafa ekið undir áhrifum áfengis og/eða ávana- og fíkniefna, sölu og dreifingu fíkniefna og vopnalagabrot.