Í tilkynningu frá lögreglu kemur fram að lögregla óski eftir myndefni frá vegfarendum sem óku um Krýsuvíkurveg, á milli Vallarhverfis í Hafnarfirði og Vigdísarvallarvegar, þennan sama dag á milli klukkan 13 og 18.
Bent er á að mörg ökutæki séu búin myndavélum og því viðbúið að myndefni frá umræddum vegarkafla á áðurnefndum tíma sé að finna í fórum einhverra.
Hinir sömu eru vinsamlegast beðnir um að senda upplýsingar um slíkt á netfangið abending@lrh.is og gefa þar upp bæði nafn sitt og símanúmer. Í framhaldinu verður haft samband við viðkomandi.
Stúlkan sem fannst látin hét Kolfinna Eldey Sigurðardóttir og situr faðir hennar, Sigurður Fannar Þórsson, í gæsluvarðhaldi vegna gruns um að hafa orðið henni að bana.