Umboðsmaður í fótbolta segir að þeir sem ráða ríkjum í Dubai vilji fara að snúa vörn í sókn og verða aftur gildandi þegar kemur að fótbolta.
Vilja ráðamenn þar ná vopnum sínum eftir að Sádí Arabía fór að sækja stjörnur í fótboltanum.
Fyrir nokkrum árum voru leikmenn sem vildu fara til Dubai en nú stefna flestir til Sádí Arabíu þar sem vel er borgað og deildin að verða sterkari.
„Sádarnir hafa verið að sækja stóru nöfnin og náð að halda því áfram,“ segir Charles Cardoso umboðsmaður.
„Nú vilja þeir í Dubai fara að sækja alvöru leikmenn og ná sviðsljósinu aftur yfir til sín frá Sádí.“
Leikmenn myndu vafalítið vilja búa í Dubai en þangað sækja margir knattspyrnumenn sín sumarfrí.