Félagið Usti nad Labem í Tékklandi hefur ákveðið að reyna að fara nýja leið til að reyna að bæta andrúmsloftið á meðal leikmanna félagsins.

Tana Bystronova hefur verið ráðinn sem fréttamaður félagsins og tekur viðtal við leikmenn og gerir efni fyrir samfélagsmiðla fyrir félagið.

Bystronova er þekktust í Tékklandi fyrir að sitja fyrir berbrjósta en forráðamenn Usti nad Labem eru á því að þetta muni bæta gengi liðsins.

Usti nad Labem var nokkuð stórt félag í Tékklandi en hefur upplifað erfið ár og situr í þriðju efstu deild. Bystronova hefur haft jákvæð áhrif en liðið er með 13 stig á toppi deildarinnar eftir sex leiki.

Í Tékklandi er talað um Bystronova sem tvífara Pamelu Anderson en hún hefur gert það gott sem fyrirsæta.