Anderson sem er 36 ára gamall fyrrum miðjumaður Manchester United er á leið í fangelsi í Brasilíu, ástæðan er sú að hann hefur ekki borgað meðlag.

Anderson var dæmdur í Porto Alegre í heimalandinu en hann skuldar 45 þúsund pund í meðlag.

Anderson átti mörg góð ár hjá Manchester United en þegar hann kom hélt Sir Alex Ferguson að hann væri að sækja gullmola. „Ég sendi bróðir minn að horfa á hann og hann kom til baka og sagði mér að Anderson gæti orðið betri en Wayne Rooney,“ sagði Ferguson um kappann.

Töldu forráðamenn United að þegar ungur Anderson mætti til félagsins að hann gæti orðið besti leikmaður í heimi.

Liðsfélagi hans hjá United sagði á dögunum að Anderson hefði getað náð miklu lengra. „Við vorum kannski í rútunni að keyra í leik og hann fór að hoppa í rútunni og kalla McDonalds þegar við keyrðum framhjá stað frá þeim;“ sagði Rafael.

„Hann var klikkaður en ég elska hann, hann get spilað vel þegar hann fékk nokkra leiki í röð.“

„Hann var mikið meiddur og þá var vandamálið með mataræði hans, hann borðaði óhollt sem hafði áhrif á hann.“