Áhrifavaldurinn Ivana Knoll sló í gegn fyrir tæpum tveimur árum síðan á HM í Katar. Öðlaðist hún þar miklar vinsældir á samfélagsmiðlum sem enn eru til staðar, en hún er með meira en 3 milljónir fylgjenda þar.
Knoll er stuðningsmaður Króatíu en þar á hún ættir að rekja en Knoll er fædd í Þýskalandi.
Frá því að hafa fangað augu heimsins á HM í Katar hefur Knoll nýtt sér það til að fá hin ýmsu tækifæri.
Nú er hún farin að þeyta skífum og hefur fengið starf á hátíð sem Lukas Podolski fyrrum sóknarmaður Arsenal er að halda.
Hátíðin fer fram í Hockenheim en Backstreet Boys eru stærsta númerið á hátíðinni sem Podolski er að skipuleggja.
Knoll mun svo sjá um að halda stuðinu gangandi en hún kemur fram undir nafninu Knolldoll þegar hún þeytir skífunum.
