„Á meðan við ræddum saman fékk ég skilaboð og ég ætla að gera mjög ó-sjónvarpslegan hlut og lesa þau fyrir þig í heild sinni, því ég held þú vitir þetta ekki því þetta var að birtast á netinu og sú sem birti þetta er kona sem þú gætir hafa heyrt um, hún heitir Taylor Swift.“
Fréttakona las svo Instagram-færslu Swift þar sem hún lýsti yfir stuðningi við Harris og Walz. Swift skrifaði meðal annars: „Ég kýs Kamala Harris því hún berst fyrir réttindum og málefnum sem að mínu mati þurfa baráttukonu í stafni fyrir. Ég tel að hún sé ákveðin og hæfileikaríkur leiðtogi og trúi að við getum áorkað svo miklu meira í þessu landi ef við erum leidd með ró fremur en óreiðu. Ég varð glöð og dáðist að ákvörðun hennar að velja Tim Walz sem varaforsetaefni, en hann hefur barist fyrir réttindum hinsegin samfélagsins, frjósemisaðstoð og sjálfsákvörðunarrétti kvenna áratugum saman.“
View this post on Instagram
Á meðan fréttakona las upp færslu Swift mátti sjá hvað Walz gladdist mikið yfir þessum stuðningi.
„Vá ég er ótrúlega þakklátur Taylor Swift fyrir það fyrsta. Ég segi það sem kattaeigandi, líkt og hún,“ sagði varaforsetaefnið. Hann tók fram að þetta var vel að orði komið hjá Swift og skilaboð hennar skýr. „Þetta er hugrekkið sem við þurfum í Bandaríkjunum, að fólk þori að standa upp fyrir sannfæringu sinni“
Walz sagðist hafa heyrt sambærilega afstöðu þegar skráðir repúblikanar mættu á landsfund demókrata og frá konum sem vilja að einkalíf þeirra sé virt, en hafi engu að síður stigið fram því þær enduðu í lífshættu eftir að þær fengu ekki að gangast undir þungunarrof.
„Og nú höfum við konu eins og Taylor Swift sem stígur fram og segir þetta sama með skýrum hætti. „Þetta er tækifæri fyrir Swifties [aðdáendur Taylor Swift], kamalaharris.com kíkið þangað, hjálpið okkur okkur og látið hlutina gerast.“
