Guðrún Ósk Maríasdóttir er matvælafræðingur, næringarþjálfari, nuddari, saunadrottning, móðir og svo margt fleira. Hún er gestur vikunnar í Fókus, hlaðvarpsþætti DV. Brot úr þættinum má horfa á hér að neðan. Smelltu hér til að horfa á hann í heild sinni eða hlustaðu á Spotify og öllum helstu hlaðvarpsveitum.
Guðrún Ósk er gift Árna Birni Kristjánssyni og saman eiga þau þrjú börn. Þau njóta bæði mikilla vinsælda á samfélagsmiðlum og undanfarið hafa þau verið að deila meira efni tengdu sambandinu þeirra á Instagram. Eins og hvernig þau halda neistanum lifandi, hvernig þau eru til staðar fyrir hvort annað, hugga hvort annað og skemmta sér vel saman.
Prófaðu að endurhlaða síðuna ef þú sérð ekki færsluna hér að neðan.
View this post on Instagram
Færslurnar hafa vakið mikla athygli, enda ekki oft sem fólk er til í að berskjalda sig á þennan hátt.
„Við erum búin að ganga í gegnum ýmislegt saman. Við erum búin að vera saman í fjórtán ár,“ segir Guðrún Ósk í Fókus.
„Við erum bæði búin að breytast rosalega mikið sem einstaklingar og elskum að fylgjast með hvort öðru þroskast í þá átt sem hvort okkar velur. Og við veljum alltaf að vera saman, sem er rosa sterkt í okkur. Við finnum að við tökum ekki hvort öðru sem sjálfsögðum hlut og við veljum alltaf okkar tengingar og að sinna sambandinu.“
View this post on Instagram
Síðastliðin ár hafa þau bæði byrjað að aðhyllast andlegan lífsstíl. „Ég tók þessa beygju eftir höfuðhöggið. Fór meira í það andlega,“ segir Guðrún Ósk sem ræddi nánar um höfuðhöggið í þættinum.
Sjá einnig: Lífið breyttist eftir höfuðhöggið – „Það var öllu kippt undan mér“
Hún segir að Árni hafi fylgt stuttu síðar. „Við fluttum til Tenerife í fæðingarorlofinu með Arnald [árið 2021] og vorum þar í sex mánuði. Þá fékk Árni tækifæri til að kúpla sig út,“ segir hún. Fyrir það hafði Árni verið á fullu í CrossFit.
„Búinn að missa kannski smá sjónar af sjálfum sér og fékk þá tækifæri til að kúpla sig út. Ekki nein pressa frá vinunum, fjölskyldunni, vinnunni. Hann fékk að vera hann sjálfur og uppgötva aftur: Hvað vil ég, hvað langar mig, hver er ég? Og í kjölfarið fór hann í mikla vinnu. Við ákváðum saman að fara í sambandsmeðferð hjá sálfræðingi og áttum þar rosa góða tíma,“ segir Guðrún Ósk. Þau fóru á þriggja til fjögurra vikna fresti í heilt ár.
„Við fórum inn á alls konar hliðar í sambandinu og líka bara hvaðan við komum. Við vorum 20 og 22 ára þegar við byrjuðum saman, við vorum bara börn.“
View this post on Instagram
Guðrún Ósk segir að það hafi gert þeim mjög gott að fara saman til sálfræðings.
„Við lærðum að skilja hvaðan hvort annað okkar kemur, sárin okkar, sigrarnir okkar. Við náðum þannig einhvern veginn miklu dýpri tengingu. Bara að fá að vera til staðar fyrir hvort annað er allt sem við þráum,“ segir hún.
„Við fundum og finnum að fólk sér þetta í okkur. Að við erum með einlæga tengingu, djúpa tengingu. Við erum búin að leggja inn rosa mikla vinnu og hlökkum bara til að gera meiri vinnu […] Við erum ekkert endilega að velja að deila þessu. Við erum bara að deila því sem lífið okkar hefur upp á að bjóða núna.“
View this post on Instagram
Guðrún Ósk ræðir þetta nánar í spilaranum hér að ofan. Til að horfa á þáttinn í heild sinni smelltu hér, eða hér til að hlusta á Spotify.
Fylgstu með Guðrúnu Ósk á Instagram og smelltu hér til að fylgja Árna Birni.
