Joachim Andersen, leikmaður Danmerkur, viðurkennir að miðjumaðurinn Granit Xhaka geti verið ansi mikill fáviti á velli.

Xhaka og Andersen mættust í Þjóðadeildinni fyrir helgi en Danmörk hafði þar betur 2-0 gegn Sviss.

Xhaka var gríðarlega pirraður í þessum leik og reifst við þónokkra leikmennn Danmerkur – eitthvað sem hann hefur margoft gert í gegnum tíðina.

Miðjumaðurinn er í dag leikmaður Bayer Leverkusen en var áður á mála hjá Arsenal.

,,Xhaka er frábær fótboltamaður en hann er líka frekar mikill fáviti. Við þekkjum Granit, við vitum að hann er fljótur upp og verður reiður á vellinum,“ sagði Andersen.

,,Það er eins og það er. Hann er leikmaður sem ég ber mikla virðingu fyrir og stundum geturðu misst hausinn. Hann hefur náð að róast með árunum en í dag þá missti hann stjórn á skapinu.“