Arnar Gunnlaugsson, þjálfari Íslands- og bikarmeistara Víkings, var gestur þeirra Helga Fannars Sigurðssonar og Hrafnkels Freys Ágústssonar í Íþróttavikunni, sem sneri aftur á 433.is eftir sumarfrí fyrir helgi.

Það var meðal annars rætt um enska boltann en þar heldur Arnar með Manchester United. Komið var inn á 0-3 tap liðsins gegn Liverpool um síðustu helgi.

„Það er orðin þjáning að horfa á þetta. Arne Slot er búinn að vera hjá Liverpool í korter og maður sér meira DNA í leik Liverpool og það eru breytingar á leik Liverpool frá því undir stjórn Klopp heldur en á þessum árum hjá Ten Hag,“ sagði Arnar.

„Það er búið að eyða dágóðri summu í leikmenn og auðvitað er hann búinn að lenda í meiðslum og þess háttar. En það á að vera alveg sama þó menn séu meiddir, þú átt alltaf að sjá ákveðið DNA á leikstíl og kúltúr í liðinu og ég sé það ekki, því miður.“

Umræðan um enska boltann úr Íþróttavikunni er í spilaranum.

Íþróttavikan er í boði Bola léttöl og Lengjunnar