Það vakti athygli í vikunni þegar Aron Einar Gunnarsson mætti á æfingu íslenska landsliðsins til að spjalla við Age Hareide.
Aron Einar hefur verið að koma sér af stað og spilað með liði Þórs í Lengjudeildinni undanfarið.
„Hann var bara að heilsa upp á okkur. Ég hef talað við hann símleiðis um stöðuna á honum Hann er með áru yfir sér og er virkilega hrifinn af landsliðinu,“ sagði Hareide á fréttamannafundi í gær.
Aron vonast eftir því að semja við erlendis á allra næstu dögum til þess að koma sér aftur inn í íslenska landsliðið.
„Hann er að stefna á það að koma aftur. Við verðum að skoða stöðuna bara. Við töluðum bara um venjulega hluti en hann hefur mikinn áhuga á því sem við ætlum að gera.“