Hólmbert Aron Friðjónsson byrjar vel með sínu nýja félagi Preussen Munster en hann gekk í raðir liðsins á þessu ári.
Hólmbert kemur til Preussen frá Holstein Kiel þar sem hann hefur leikið undanfarin þrjú ár.
Liðið leikur í næst efstu deild Þýskalands eftir að hafa tryggt sér sæti þar á síðustu leiktíð – liðið hafnaði í öðru sæti þriðju deildar.
Hólmbert skoraði í æfingaleik í dag en Preussen spilaði gegn Werder Bremen og hafði betur 3-2.
Um var að ræða alvöru endurkomu en Bremen var 2-0 yfir í fyrri hálfleik áður en Hólmbert og félagar skoruðu þrjú í þeim seinni og unnu sigur.
Þetta var fyrsti leikur framherjans hjá sínu nýja félagi.