John Painstil fyrrum varnarmaður West Ham og Fulham í ensku úrvalsdeildinni var nær dauða en lífi um helgina.
Paintsil er aðstoðarþjálfari Ghana í heimalandinu í dag og var á ferðalagi með þjálfara Ghana.
Þeir félagar höfðu horft á bikarúrslitaleik þar í landi og voru á heimleið en Otto Addo er þjálfari liðsins.
Þeir lentu í hörðum árekstri og var Land Cruiser bifreið þeirra illa farin eftir áreksturinn á þjóðveginum í Ghana.
Painstil og Addo voru fluttir á sjúkrahús en voru ekki í lífshættu og hafa fengið að fara heim til sín samkvæmt fréttum.
