Stúlkan sem slasaðist alvarlega í hnífaárás á Menningarnótt er látin. Hún hét Bryndís Klara Birgisdóttir og var 17 ára gömul.
Frá þessu greinir lögregla í tilkynningu
„Fjölskylda Bryndísar Klöru vill koma á framfæri þakklæti til allra sem reyndu eftir fremsta megni að bjarga lífi Bryndísar Klöru, sérstaklega starfsfólki Landspítalans og þeim sem komu að fyrstu hjálp á vettvangi. Hjálp þeirra er ómetanleg.“
Bryndís var flutt lífshættulega slösuð á Landspítala á Menningarnótt. Hún var ein þriggja sem urðu fyrir árás við Skúlagötu og hlaut alvarlegustu áverkana. Hún lést af sárum sínum í gærkvöldi. 16 ára drengur situr nú í gæsluvarðhaldi á Hólmsheiði, grunaður um verknaðinn.